Corunopolis – A Coruña y su Área Metropolitana

Penso que o principal problema na nosa comarca son as comunicacións, temos pendente o seguintes: a chegada da Alta Velocidade, un servicio de trens de cercanías, o Porto Exterior e as comunicacións con él, un Aeroporto pendente de ampliación e de conexión directa por autoestrada ou autovía, o terceiro cinto da cidade, conexión directa ca A-6, a finalización da A-8, etc. todo eso fai que perdamos inversións.

O paro e importante pero non tanto como reflicten as estatísticas en tempo de crise, sempre hai quen se aproveita da situación e hai por desgraza moitas empresas e traballadores que o están a facer, as empresas empregando traballadores sen dar de alta para reducir costes e estes encantados de cobrar do paro e máis en negro por parte das empresas, debería haber máis control. As axudas dos 420 Eur. a traballadores en paro foi menor da prevista, xa que unha condición era facer un curso e a xente non estaba disposta, ¿por qué?

O problema da vivenda non é a falta dela, senón os prezos por moito que non queiran baixalos de momento nos lles vai quedar outra, hai unha sobre-oferta que non se axusta a sua demanda.

A delincuencia e mínima somos a cidades Europea con menor índice de delincuencia.

Os inmigrantes non son un problema, somos un país de emigrantes e en xeral acollemos ben a xente que agora está na mesma situación na que nos atopábamos nós, non fai moitos anos.

A economía, temos empresas fortes na nosa comarca, pero non dan máis de sí, Begano, Repsol, Alcoa, Inditex, Santa Barbara, Emesa, Gadisa, o Porto, etc., pero non son suficientes temos que atraer máis industria, que quizáis se poida solucionar cos novos poligonos industriais, en Morás, Vío, Iñás, etc.

O principal problema é que ningún político, nin ningún partido político se tome as cousas en serio e intente solucionar os problemas que nos afunden pero de momento non nos chegan a afogar.